Januaarip
aallaqqaataani 2019-imi atuisunut akit
Januaari
2018-imiit januaari 2019-imut atuisunut akit 0,6 pct.-imik
qaffapput. Titartagaq 1-imi qaammatit aqqaneq-marluk ingerlanerini qaffariaatit
procentinngorlugit takutinneqarput.
Titartagaq 1. Atuisunut akit, qaammatit aqqaneq-marluk ingerlanerini qaffariaatit procentinngorlugit
Najoqqutaq: http://bank.stat.gl/PRNPRISV Indeks (2008=100)
2019-imi
januaarip aallaqqaataani atuisunut akigititap naleqqersuutaani naleqqersuutit
kiisalu akit iluarsiissutaannut naleqqersuutit nutarterneqarput.
Naleqqersuutinut nutaanut 2016-imi namminerisamik atuinermi uuttuutit najoqqutarineqarput.
Atuisunut
akit ukiup affakkaarlugit ineriartornerat
Atuisunut
akit ukiup affaani kingullermi, piffissami 2018-imi juulimiit 2019-imi
januaarimut 0,3 pct.-imik qaffassimapput. 2014-imi
januaarimit 2018-imi januaarimut atuisunut akini ukiup affakkaarlugit
allannguutit procentinngorlugit titartagaq 2-mi takutinneqarput.
Titartagaq
2. Atuisunut akit, ukiup affakkaarlugit allannguutit procentinngorlugit,
2015-imi januaarimiit 2019-imi januaarimut
Najoqqutaq: http://bank.stat.gl/PRNPRISV Indeks (2008=100)
Malugiuk:
Titartagaq 2 2019-imi 24. septembarimi iluarsineqartoq
Nioqqutissat
immikkoortitikkat ataasiakkaat ukiumut ineriartornerat
Inuussutissat
kiffartuussinerillu ataatsimut atuisunut
akigititaasa ineriartornerat nioqqutissat immikkoortitikkat pineqartut ataanni
inissisimasut ineriartornerat malillugu pisarpoq. Nioqqutissanili
immikkoortitikkani ataasiakkaani ineriartornerit assigiinngillat. 2018-imi
januaarimiit 2019-imi januaarimut ukiumoortumik nioqqutissani
immikkoortitikkani ataasiakkaani ineriartorneq titartagaq 3-mi takutinneqarpoq.
Immikkoortitikkanilu Imigassat aalakoornartut tupalu annertunerpaamik
qaffariaateqarsimapput. Taakku saniatigut nioqqutissat immikkoortitikkat allat
akii appariarsimapput, tassani Assartuinermut aamma Inigisami
atortunut pissarsianut tamakkiisumik akii appariarsimallutik.
Titartagaq
3. Piffissami 2018-imi januaarimiit 2019-imi januaarimut nioqqutissat
immikkoortitikkat ukiumut allannguutaat procentinngorlugit
Najoqqutaq: http://bank.stat.gl/PRDPRISV